Экогадәтләр формалаштыру буенча иң яхшы проект! Татарстан командасы Балалар ЭкоФорумында җиңү яулады
«Экологик гадәтләр – һәр йортка» проекты иң күп балл җыйды һәм Форумның оештыру комитеты тавыш бирү нәтиҗәләре буенча үз номинациясендә иң яхшысы булды, Белгород һәм Волгоград өлкәләреннән командаларны узып китте.
Казан шәһәренең Балалар экология-биология үзәгендә тәрбияләнүчеләрнең проекты мәктәп укучыларында һәм аларның ата-аналарында гаиләнең углерод эзен киметүгә ярдәм итүче экологик гадәтләр формалаштыруга юнәлдерелгән – «Экология» илкүләм проектының төп бурычы. Үз идеяләрен тормышка ашыру өчен укучылар 100 мең сумлык грант оттылар!
Җиңүче проект белән сылтама буенча танышырга мөмкин https://disk.yandex.ru/i/2lFY25NlfQFWHg. Балаларны котлыйбыз, без сезгә ышаныч белдердек!
Исегезгә төшерәбез, 2023 елда Татарстан командасы Чиләбедә узган Бөтенроссия балалар экология форумында «Популяр су» номинациясендә җиңүче булган иде. Республика экоактивистлары мәктәп отрядлары тарафыннан яр сызыкларын җыештыру проектын тәкъдим иткәннәр.