1000 яңа агач!

2024 елның 15 октябре, сишәмбе

Күз алдына китерәсезме, бүген Экология министрлыгының Кама аръягы идарәсе инспекторлары, «Алабуга» МИЗ һәм Росприроднадзор хезмәткәрләренең зур һәм тату командасы Түбән Камада 1000нән артык ылыслы агач үсентесе утыртты! 

Шәп булды бу! Бу мөһим экологик акциягә һәркем үз өлешен кертте. Хәзер Түбән Кама урманчылыгы – яшелрәк, ә һавасы – чистарак! 

«Без агачлар утыртып кына калмадык, шәһәребез һәм республикабыз киләчәгенә өлеш керттек» , — дип билгеләп үтте Экология министрлыгы инспекторлары. Һәм без алар белән тулысынча килешәбез!