"Парламент 2030" закон чыгару инициативаларының Бөтенроссия яшьләр конкурсы
Талантлы яшьләрне ачыклау һәм аларга ярдәм итү проектын гамәлгә ашыру кысаларында "Парламент 2030" закон чыгару инициативаларының Бөтенроссия яшьләр конкурсы оештырылды.
2015 елдан башлап анда 800 000 артык яшь кеше катнашкан, ә җиңүчеләр Федерация Советында һәм Россия Федерациясе Федераль Җыены Дәүләт Думасында уңышлы стажировка үткәннәр. 84 финалист федераль һәм төбәк закон чыгару һәм башкарма хакимият органнарында төрле вазыйфаларга билгеләнгән, шулай ук депутатларның ярдәмчеләре һәм депутатлар булганнар.
«Парламент 2030» Бөтенроссия яшьләр конкурсын уздыру Россия яшьләрен тәрбияләүдә мөһим патриотик өлешне уйный. Конкурсның максаты – яшьләр парламентаризмын һәм сайлау культурасын үстерү.
Конкурс «Россия – мөмкинлекләр иле» коммерциягә карамаган автоном оешмасы, «Россия юристлары ассоциациясе» Гомумроссия иҗтимагый оешмасы, федераль башкарма хакимият органнары, Федерация Советы сенаторлары һәм Россия Федерациясе Федераль Җыены Дәүләт Думасы депутатлары, төбәк парламентлары, Россиянең иң эре эш бирүчеләре ярдәмендә уза.
Барлык актуаль мәгълүмат конкурсны оештыру комитетының рәсми битләрендә Телеграмда - https://t.me/parlament2030 һәм ВКонтактеда урнаштырыла - https://vk.com/club211002282.