Безнең «кече туганнарыбыз»ның бәйрәме. Буа районының башлангыч мәктәбендә экологлар хайваннар турында кайгырту дәресен үткәрделәр
Идел аръягы территориаль идарәсе инспекторлары хайваннарны яклау көненә багышланган тематик дәрес үткәрделәр. Кече туганнарыбызны кайгыртуның мөһимлеге турында Буа районы Кайбыч мәктәбенең башлангыч сыйныф укучылары белән сөйләштеләр.
Кешелек өчен хайваннар дөньясы, барыннан да элек, туклану, кием-салым, дарулар чыганагы булды, дип ассызыклады экологлар. Кеше үзен һәрвакыт табигать патшасы итеп хис иткән һәм аның ресурсларын үзенең файдасы өчен рәхимсез файдаланган.
Инспекторлар билгеләп үткәнчә, мондый мөнәсәбәт онытылмас эз калдыра, һәм хәзер фауна вәкилләренең күп төрләре юкка чыккан яки юкка чыгу чигендә тора. Хайваннарның барлык сирәк төрләре Кызыл китапка кертелгән һәм махсус сак астында кала.
«Балаларга табигатьнең төп проблемалары һәм бурычлары турында искә төшерү мөһим. Безнең дәресләрдән соң аларның күзләрендә махсус «экологик очкын» кабына», – диде Идел аръягы территориаль идарәсе белгече Ләйсән Гыйматдинова.
Алган белемнәрен ныгыту өчен балаларга буяулы рәсемнәр бүләк иттеләр һәм табигать ресурсларыннан сакчыл файдалану турында белешмәләр тапшырдылар.