Татарстанда «Чиста һава» операциясе ахырына якынлаша: 5425 автомобиль контроль узды
1 июньнән Экология министрлыгы инспекторлары «Чиста һава» операциясе кысаларында «Экология» илкүләм проектына ярдәм йөзеннән 5425 автотранспорт чарасын, шул исәптән 4898 җиңел автомобильне, 382 йөк машинасын һәм 145 автобусны тикшерделәр.
159 җиңел машина, 8 йөк машинасы һәм 3 автобус экологик яктан тикшерүне уза алмады. Барлыгы 170 автотранспорт чарасында артыклык булуы ачыкланды, бу гомуми санның 3,1% тәшкил итә.
Автомобиль хуҗалары белән атмосфера һавасын саклау өлкәсендә табигатьне саклау законнарының мәҗбүри таләпләрен бозмау турында аңлату әңгәмәсе үткәрелде.
Исегезгә төшерәбез, «Чиста һава» оператив-профилактик чарасы 30 сентябрьгә кадәр дәвам итәчәк. 2023 елда 6886 автомашина (87% җиңел машина, 7% йөк машинасы һәм 6% автобус) тикшерелгән иде. 184 автомобильдә токсиклык нормаларын арттыру ачыкланып, бу тикшерелгән машиналарның гомуми санының 2,7% тәшкил итте.