Тәрбиячеләр, укытучылар, педагоглар – ЭКОлидерда катнашуыгыз турында мәгълүмат
«Педагогик тәҗрибә һәм инициативалар» конкурс төркеме мәгариф өлкәсе хезмәткәрләрен бүләкләү өчен оештырылган. Системалы экологик агарту эше өчен бүләкләнәчәкләр:
1) мәктәпкәчә учреждениеләр тәрбиячеләре,
2) гомуми белем бирү оешмалары педагоглары,
3) югары уку йортлары һәм өстәмә белем бирү учреждениеләре укытучылары.
Катнашучыларга гаризаны (конкурс Нигезләмәсенә 4 нче кушымта) һәм PDF форматындагы презентация материалын тутырырга кирәк, анда бәяләү критерийлары буенча түбәндәге документлар чагыла:
- Дәрестән тыш эшчәнлек кысаларында экология предметы буенча эшне оештыру (раслаучы документларны, фотоларны беркетергә һ.б.) - 10 балл;
- Экология өлкәсендә дәрестән тыш эшчәнлек буенча шәхсән эшләнгән программалар булу (программаның үзен теркәргә) - 10 балл;
- Тармак семинарларында, вебинарларда, конференцияләрдә чыгыш ясау (белешмә, конференцияләр, семинарлар программалары, түгәрәк өстәлләр программалары күчермәсе) - 5 балл;
- Тармак юнәлешендәге муниципаль, региональ һәм бөтенроссия һөнәри конкурсларында шәхсән катнашу
(дипломнар (сертификатлар) - 5 балл;
- Квалификацияне күтәрү буенча башка чаралар - 5 балл.
Кирәкле кушымталар белән конкурс турындагы нигезләмәне сылтама аша табарга була.