Азнакайда 1600 м2 мәйданлы чүплек бетерелде

2024 елның 16 сентябре, дүшәмбе

«Автомобилист» гараж кооперативы белән Азнакай автопаркы арасындагы территориядән 140 кубометр чүп чыгарылган. Чаралар экологларны кисәтү йөзеннән күрелгән.

ТР Экология министрлыгының Ык буе территориаль идарәсе инспекторлары күчмә тикшерү барышында көнкүреш чүп-чарларын ачыкладылар. Калдыклар туфракта 1600 кв.м мәйданда тупланган.

Территория милекчесе – Азнакай районы башкарма комитетына, чүп-чарны бетерүне таләп итеп, табигатьне саклау законнарын бозуның ярамавы турында кисәтү җибәрелгән иде. Бүгенге көндә чүплек бетерелгән.