Гадәттән тыш хәлләр министрлыгы кисәтә: «Куркынычсызлык барыннан да өстен!»
Гадәттән тыш хәлләр министрлыгы көзге чорда аеруча сак булырга кисәтә. Күп кенә куркынычлар бар, алар турында күпләр хәтта уйламый да. Барлык урыннарда да гади куркынычсызлык техникасын үтәгез:
- Өйдә. Урамда суыта башлау белән, күпләр җылыткычтан файдалана башлаячак, ә кемдер мич ягарга тотыначак. Әмма мич белән дә, электр приборлары белән дә, янгынга юл куймас өчен, бик игътибарлы булырга кирәк.
- Урманда. Сезонга бер генә тапкыр булса да гөмбәгә бармаска мөмкинме? Көзге урман кәрҗин белән килергә ымсындырып тора шул. Әмма һава шартларын исәпкә алу, урманда янгын куркынычсызлыгы кагыйдәләрен онытмау һәм, әлбәттә инде, адашмас өчен үзеңне ничек тотарга икәнен истә калдыру мөһим! Һичшиксез төркемнәрдә йөрегез һәм GPS сигналын сүндермәгез.
- Юлда. Көзнең беренче көннәре җәйдән әллә ни аерылмый, әмма алда – яңгырлар, томан, беренче бозлавык һәм юеш кар. Автомобиль сөючеләргә һава торышы фаразларына һәрвакыт игътибарлы булырга һәм, юлдагы хәлне исәпкә алып, һәрвакыт куркынычсыз хәрәкәт кагыйдәләрен үтәргә кирәк.
- Суда. Башта су августтагы кебек үк, ә аннары, кышны да көтмичә, сулыкларда беренче боз күренә башлый. Ә моңа кадәр балыкчылар балык тотарга актив йөриләр, анда куркынычсызлык кагыйдәләрен белү дә бик мөһим!
- Урамда. Салкын, җил, томан, беренче кар – көз безгә нәрсә генә әзерләми! Начар һава торышы көтмәгәндә килеп чыгарга мөмкин, шуңа күрә монда да куркынычсызлык кагыйдәләрен белү һәрвакыт кирәк булачак. Шторм вакытында өйдән чыкмагыз, ә урамга чыксагыз агачлардан, билбордлардан һәм биек корылмалардан читтә торыгыз.
Сак булыгыз һәм үзегезне саклагыз!