Ишегалды бәйрәме кысаларында Чаллы халкын калдыкларны аерым җыярга өйрәттеләр
Яңгырлы һава торышына карамастан, Чаллыда чираттагы Ишегалды көне бик күп тамашачыларны җыйды. Матур традициягә әверелгән бәйрәм шәһәрнең һәр микрорайонында диярлек билгеләп үтелә.
Бу юлы дуслар һәм күршеләр очрашу урыны 59 комплекстагы мәйданчыкта булды. Халыкны концерт номерлары белән «Орион» яшьләр үзәгенең яшь артистлары сөендерде. Уен мәйданчыкларында балалар көлүләре тынмады: оештыручылар эстафета, конкурслар һәм призлар әзерләгәннәр!
«Экоактивлар» экологик берләшмәләр үзәге балаларга мавыктыргыч Экобалыкчылык тәкъдим итте: магнитлы кармакка чүп-чар эләктереп, катнашучыларга аны дөрес контейнерга салырга тәкъдим ителде. Калдыкларны сортларга аеруның файдалы гадәте – ишегалдында чисталык һәм уңайлылык саклауның мөһим шарты, дип билгели экологлар. Ата-аналар балалары белән бергә алган экологик тәртип белемнәрен көнкүрештә дә ныгыта алачак.