Инде бер айдан цифрлаштыру өлкәсендә әһәмиятле вакыйга – «Kazan Digital Week – 2024» форумы булачак
Халыкара форум 9-11 сентябрьдә Казан Экспо күргәзмәләр үзәгендә узачак. Бер мәйданчыкта фәнни-техник тәҗрибә уртаклашу, цифрлаштыру һәм импортны алыштыруның актуаль мәсьәләләре буенча фикер алышу өчен эшкуарлар, IT-белгечләр, Россия һәм дөньяның дәүләт органнары вәкилләре очрашачак.
Катнашучыларны төрле юнәлештәге 10 секция көтә:
- Интеллектуаль транспорт системалары;
- Дәүләт идарәсе өлкәсендә цифрлы технологияләр;
- Цифрлы индустрия 4.0;
- Мәгарифтә цифрлы технологияләр;
- Мәдәнияттә цифрлы технологияләр;
- Яңа чорның киберкуркынычсызлыгы;
- Финтех экосистемасы;
- Бизнеска интеграцияләнгән инновацияләр;
- Сәламәтлек саклау һәм медицинада цифрлы технологияләр;
- Авыл хуҗалыгында цифрлы технологияләр.
Форумда шулай ук күргәзмә экспозициясе эшләячәк, анда һәркем заманча технологияләр дөньясына чума алачак.
«Kazan Digital Week – 2024» чарасына рәсми сайтта сылтама буенча теркәлергә һәм кушылырга мөмкин: https://kazandigitalweek.com/ru/site/