Экологлар кисәтүе буенча Ютазы районында чүплек бетерелде

2024 елның 7 августы, чәршәмбе

Ютазы районының Урыссу шәһәр тибындагы бистәсен күзәтү барышында Экология министрлыгының Ык буе идарәсе инспекторлары төзелеш калдыкларын туплау урынын ачыкладылар. Санкцияләнмәгән чүплекнең мәйданы 80 кв. метр тәшкил итә. Күләме – 28 куб. м.

Ютазы районы башкарма комитеты җитәкчесенә табигатьне саклау законнарының мәҗбүри таләпләрен бозуның рөхсәт ителмәве һәм бозуны бетерү кирәклеге турында кисәтү җибәрелде.

Хәзерге вакытта территория тиешле хәлгә китерелгән.