Ел башыннан Экология министрлыгының һава чисталыгын контрольдә тоту буенча 17 автомат станциясе тарафыннан 2,361 млн. үлчәү башкарылган
1 гыйнвардан 12 июльгә кадәр Экология министрлыгы станцияләре 2,361 млн. үлчәү башкарган, шул исәптән Казан шәһәрендә атмосфера һавасының пычрануын контрольдә тотуның биш автомат станциясе 721 меңнән артык үлчәү башкарган.
5-12 июльдә Зеленодольск районында һәм Казан шәһәрендә АСКЗА-1 (Осиново авылы, Зеленодольск районы) һәм АСКЗА-5 (Казан шәһәре, И.Шакиров проспекты, 3) буенча атмосфера һавасында күкертле водород буенча рөхсәт ителгән чик концентрациянең артуы теркәлгән.
Казан шәһәрендә урнашкан башка АСКЗА пычратучы матдәләрнең артуы теркәлмәгән.
Өстәмә рәвештә хәбәр итәбез, «ТР экологик картасы» ДМС платформасында «Атмосфера һавасы пычрануны контрольдә тотучы автоматик станцияләр» катламында ачыктан-ачык карап була торган параметрларның (метеопараметрлар өстәлгән) саны арту сәбәпле, мәгълүматны яңартканда һәм йөкләгәндә техник тайпылышлар булырга мөмкин (белешмәләр төгәл чагылдырылмаска мөмкин), чөнки система сынау режимында эшли.