Кама ярлары чистара төште. Чаллыда «Россия суы» акциясенә кушылдылар

2024 елның 3 июле, чәршәмбе

Бүген Чаллы шәһәренең 4 нче Балалар экология-биология үзәгендә тәрбияләнүчеләр һәм педагоглар Кама елгасының яр буйларын чүп-чардан чистартты. Чара «Экология» илкүләм проектының «Россия суы» бөтенроссия акциясе кысаларында узды.

1,5 сәгать эчендә балалар 10 капчык чүп-чар җыйдылар, 1 км озынлыктагы ярны чистартылды. Җыештырганнан соң территория шактый чиста булып калды. Активистларның тырышлыклары игътибарсыз калмады: пляжда ял итүче шәһәр халкы рәхмәт белдерде.

Яхшы үрнәк йогышлы булыр һәм яр буенда ял итүчеләр үзләре дә яр буе зонасында чисталыкны сакларлар, дип ышанасы килә.