Саба районында табигатьтән файдалану мәсьәләләре буенча гражданнарны кабул итү узды

2024 елның 6 июне, пәнҗешәмбе

Халык белән очрашуны Татарстан табигатьне саклау районара прокуроры урынбасары Роза Халморатова, Төньяк Экология министрлыгы идарәсе башлыгы Ленар Касыймов һәм Саба районы Башкарма комитеты җитәкчесе урынбасары Илнур Котдусов үткәрде.

Гражданнарны кабул иткәндә төп сораулар – контейнер мәйданчыкларын тоту һәм каты көнкүреш калдыкларын вакытында чыгару. Барлык сораулар җентекләп каралды, конкрет фактлар буенча аңлатмалар бирелде, калдыкларны чыгару мәсьәләсе буенча халыкның мөрәҗәгатьләре төбәк операторларына тапшырылды.

Исегезгә төшерәбез, ТР Экология министрлыгында шулай ук атна саен, сишәмбе көннәрендә гражданнарны кабул итү үткәрелә. Кызыксындырган сорауны бирү өчен (843) 267-68-48 телефоны буенча язылырга кирәк.