Тагын бер чүплек кимеде. Санитар икеайлык кысаларында Чаллыда чүплек бетерелде

2024 елның 7 мае, сишәмбе

Санитар-экологик икеайлык кысаларында Экология министрлыгының Кама буе идарәсе инспекторлары Чаллы территориясенә мониторинг үткәрделәр.

Рейд барышында мотор һәм металлургия урамнары киселешләрендә көнкүреш һәм төзелеш калдыкларын, шулай ук автомобиль шиннарын рөхсәтсез җыю факты ачыкланды. Чүплекнең мәйданы 180 кв.м тәшкил итә.

Күчемсез мөлкәтнең бердәм дәүләт реестрыннан өземтә буенча әлеге участок шәһәр Башкарма комитеты балансында тора. Башкарма комитетка табигатьне саклау законнарының мәҗбүри таләпләрен бозуны рөхсәт итмәү һәм 60 көн эчендә бозуны бетерү кирәклеге турында кисәтү бирелде.

Хәзерге вакытта хокук бозу бетерелгән.