Экология министрлыгының Идел-Кама идарәсе инспекторлары Чистай районына мониторинг үткәрделәр

2024 елның 3 мае, җомга

Чистай районы территориясен күчмә тикшерү барышында Экология министрлыгының Идел-Кама идарәсе инспекторлары тарафыннан Чистайның Гуськов урамында контейнер мәйданчыгының һәм аңа якын территориянең транспорт чараларын ремонтлаудан һәм демонтажлаудан соң калган калдыклар, төзелеш һәм көнкүреш чүп-чарлары, шул исәптән зур габаритлы чүп-чар белән чүпләнүе ачыкланды.

Экология министрлыгының Идел-Кама идарәсе инспекторлары тарафыннан Чистай Башкарма комитеты адресына табигатьне саклау законнарының мәҗбүри таләпләрен бозуның рөхсәт ителмәве һәм 60 көн эчендә хокук бозуларны бетерү кирәклеге турында кисәтү бирелде.