Бөтен республика буенча 45 мең кеше санитар икеайлыкта катнашты инде
Татарстанда 1 апрельдән санитар-экологик икеайлык башланды. Чараның беренче ике атнасында республиканың 45 мең кешесе катнашты.
Муниципаль берәмлекләр тарафыннан 11 мең куб.м. артык каты көнкүреш калдыклары чыгарылган, территорияләрне чистартуга 573 берәмлек техника җәлеп ителгән.
Экология министрлыгы, Росприроднадзор, Роспотребнадзор, Россельхознадзор, ЮХИДИ, Госстройнадзор, Урман хуҗалыгы министрлыгы, Ветеринария идарәсе, Торак инспекциясе, муниципаль берәмлекләр белән берлектә 233 хокук бозу очрагы ачыкланган, шуларның 207се калдыкларны рөхсәтсез урнаштыру өлешендә. Шул исәптән 1 апрельдән республиканың 8 районында (Тукай, Алексеевск, Азнакай, Лаеш, Лениногорск, Алабуга, Әлки, Апас муниципаль районнарында) «Юл хәрәкәте иминлеге» дәүләт бюджет учреждениесе вәкилләре белән берлектә автомобиль юллары полосаларын һәм юл буен тикшерү максатында чыгышлар ясалды.
Республиканың транспорт комплексы предприятиеләре автомобиль юлларына бүлеп бирелгән полосалардан 980 куб.м. каты көнкүреш калдыклары җыелган, 675 кеше һәм 148 берәмлек махсус техника җәлеп ителгән.
Республика гражданнары тарафыннан ачыкланган хокук бозулар турында мәгълүмат барлык элемтә каналлары аша республика иҗтимагый экологик кабул итү бүлмәсенә килә. Икеайлыкның ике атнасында гына да җәмәгать кабул итү бүлмәсенә 686 мөрәҗәгать килгән, шуларның 524е-калдыклар һәм чүп-чар белән бәйле сораулар.
Санитар чистарту буенча икеайлык кысаларында алып барылган эш дәвам итә.