«Экология-киләчәккә караш» республика фәнни - гамәли конференциясе Тәтештә узды.
Бүген Тәтеш татар урта гомуми белем бирү мәктәбендә «Экология-киләчәккә караш» дигән Республика фәнни-гамәли конференциясе узды.
Конференциядә 100 дән артык укучы һәм педагог катнашты. Эш дүрт секция буенча оештырылган: фәндә дебют, тикшеренүче, экология-филология, экология- математика.
Экология министрлыгы эше һәм ведомство үткәргән конкурслар турында конференциядә катнашучыларга мәгълүмат системалары һәм экологик агарту идарәсе башлыгы Дамир Вәлиуллин сөйләде. Ул мондый чараларның мөһимлеген ассызыклады: «Һәрвакыт үз проектын яклап, балалар әйләнә-тирә мохитне саклау эшендә профессионаллар булалар. Өлкәннәрнең бурычы-аларга барлык башлангычларда да ярдәм итү». Конференцияне оештыручылар булып Рус география җәмгыяте һәм республиканың Тәтеш районы Тәтеш татар урта гомуми белем бирү мәктәбе чыгыш ясады.