«Чиста булачак» һәр почмакка» форумы Югары Ослан районында узды
Советлар Союзы Герое Нәбиулла Зиннуров исемендәге Югары Ослан гимназиясендә «Чиста булачак» һәр почмакка» проекты кысаларында экологик-агарту форумы узды. Форумда 60 экоактивист катнашты. Исегезгә төшерәбез, «Чиста булачак» һәр почмакка»- бу Татарстан Республикасы балаларын һәм яшьләрен эковолонтерлык эшчәнлегенә җәлеп итү проекты. Балаларга Татарстанның 8 районында уза торган бер көнлек яшьләр форумында катнашырга тәкъдим итәләр, анда Татарстан Республикасы Экология һәм табигать ресурслары министрлыгының территориаль идарәләре урнашкан. Мондый очрашулар кысаларында мәктәп укучыларына һәм студентларга «Чиста булачак» хәрәкәтенең нәрсә белән шөгыльләнүе, ни өчен экология чараларның мөһимлеге һәм Татарстанның Экология министрлыгы акцияләрендә һәм конкурсларында ничек катнашырга мөмкинлеге турында сөйлиләр. Бу юлы Югары Ослан районында үткән чираттагы очрашуда Экология министрлыгының экологик агарту бүлеге башлыгы Ольга Артемьева һәм «Чиста булачак» төбәк яшьләр иҗтимагый оешмасы җитәкчесе Дилара Сатикова республикада нинди экологик конкурслар узачагы турында хәбәр иттеләр.
«Яңа гына старт алган «Экояз» конкурсыннан тыш, мәктәп укучыларының безнең инспекторларга табигатьне саклау кагыйдәләрен бозуларны ачыклауда ярдәм итү мөмкинлеге дә бар. Моны эшләү җиңел, «Мәктәп экопатруле» мобиль кушымтасын йөкләргә һәм бу кушымта аша барлык рөхсәтсез чүплекләрне җибәрергә кирәк», - дип сөйләде Ольга Артемьева. Форумда катнашучыларны «Чиста булачак» яшьләр экология оешмасы эшчәнлеге белән оешма җитәкчесе Дилара Сатикова таныштырды. Форумчылар өчен форсайт-сессияләр һәм интерактив мәйданчыклар оештырылды.
«Мин «Чиста булачак» һәр почмакка» форумына баруыма бик шатмын! Бүген мин экология турында күп нәрсәләр белдем һәм табигатьне пычратуны дәвам итсәк, үзебездән соң нәрсә калдырырбыз дип уйландым. Нинди планетаны? Бу форумнан соң минем хисләрем күп һәм мин мондый чаралар үткәрүчеләргә рәхмәт белдерәсем килә! Рәхмәт!» - дип үз тәэсирләре белән уртаклашты форумда катнашучы Анастасия Козлова.