Экологлар Чаллыда вакансияләр ярминкәсе кысаларында студентларга үз эшләре турында сөйләделәр.
Традицион вакансияләр ярминкәсе Чаллы шәһәре Казан федераль университетының Инжиниринг үзәгендә узды. Ярминкәдә шәһәрнең 60тан артык предприятиесе һәм оешмасы үз вакансияләрен тәкъдим итте. Экология министрлыгы эше турында мәгълүмат белән стендны Кама буе территориаль идарәсе хезмәткәрләре урнаштырды.
Экологлар булачак чыгарылыш студентларына Министрлык эшчәнлеге турында хәбәр иттеләр, төп бурычлар һәм функцияләр, инспекторлар һәм белгечләр эшенең үзенчәлекләре турында сөйләделәр. Студентларның сораулары көнүзәк иде-бу социаль пакет та, эш шартлары да, башлангыч хезмәт хакы да, карьера үсеше мөмкинлекләре дә. Күп кенә экология факультетын тәмамлаучылар өчен вакансияләр ярминкәсе - бу үз хыялын тормышка ашыру һәм белгечлек буенча эш башлау өчен яхшы мөмкинлек.
Ярминкәгә 800 гә якын студент килгән. Кама буе идарәсе хезмәткәрләре барлык студентларга уңышлар теләделәр һәм якын арада яшь белгечләрне үзләрендә эшкә көтәләр.