Байлар Сабасы шәһәр тибындагы бистәсендә «Чиста булачак» һәр почмакка» форумы узды

2024 елның 3 апреле, чәршәмбе

Экологик форумда 68 укучы катнашты. Алар белән Экология министрлыгы хезмәткәрләре, «Чиста булачак» төбәк яшьләр иҗтимагый оешмасы җитәкчесе Дилара Сатикова һәм Саба районы Башкарма комитеты җитәкчесе урынбасары Марат Кәримов очраштылар һәм экологик чаралар турында сөйләделәр.

Мәктәп укучыларына 1 апрельдә старт алган «Экояз» республика конкурсы турында да сөйләделәр. Быел ул экологик марафон форматында уза, анда һәр атна билгеле бер темага багышлана. Шулай ук балаларга «Мәктәп экопатруле» республика конкурсында актив катнаша алуларын искәрттеләр.

«Катнашучыларга рөхсәтсез чүплекләрне теркәргә кирәк. Санитар-экологик икеайлык кысаларында әлеге эш аеруча актуаль булачак», - дип билгеләп үтте Экология министрлыгы хезмәткәре Анастасия Мердюкова.