Минзәләнең «Чишмә» балалар бакчасы балалары «Эколята» сафларын тулыландырды
Экология министрлыгының Кама буе идарәсе инспекторлары «Чишмә» балалар бакчасында танып белү уены – «Экологик ассортимент» викторинасын үткәрделәр.
Балалар табигатьнең гаҗәеп дөньясына чын мавыктыргыч сәяхәт ясадылар. Алар урман кешеләре белән таныштылар, нинди җиләкләр һәм гөмбәләр ашарга яраклы, ә кайсылары яраксыз икәнен, үсемлекләрнең файдалы үзлекләре һәм урманда үзләрен ничек тотарга кирәклеге турында белделәр. Балалар экологларга кечкенә театраль – уен сәхнәсен күрсәттеләр, Урман табышмакларын чиштеләр, экологик викторина сорауларына җавап бирделәр, мәкальләрне һәм әйтемнәрне искә төшерделәр, ә Экология министрлыгы инспекторы Ләйлә Галимова балаларга бүлмә гөлләрен ничек дөрес утыртырга икәнен күрсәтте.
Актив катнашулары өчен балаларга Министрлыкның «Экология мәктәбе»ннән бүләкләр тапшырдылар.