«Яраткан туган ягым, синең кебек кая бар?»
Бишнә мәктәбендә мәктәпкәчә яшьтәге һәм мәктәп укучыларының фәнни-тикшеренү, проект һәм иҗади эшләренең XI республика конкурсы узды. Ул Гаилә елына багышланды.
Конкурсның төп максаты – сәләтле балаларны ачыклау, балаларда туган як табигате һәм тарихы турында күзаллау, иҗади сәләтләр һәм тикшеренү мәдәнияте формалаштыру, ә иң мөһиме – балаларның үз-үзләрен белдерү, үз-үзләрен тормышка ашыру һәм үз-үзләрен оештыру өчен шартлар тудыру.
Быел көндезге турда республикабызның 3 шәһәреннән һәм 17 районыннан 160 тан артык катнашучы катнашты. Эш 12 секциядә алып барылды. Бу узган ел белән чагыштырганда ике тапкырга күбрәк. 2023 елда 8 секциядә 80 бала катнашты.
Жюри әгъзалары Экология министрлыгы хезмәткәрләре, мәктәп укытучылары-ветераннары, мәктәп директорлары һәм якындагы авылларның балалар бакчалары мөдирләре булды.
Бишнә мәктәбенең 1,3 һәм 4 сыйныф укучылары тантаналы ачылышта яшь натуралистларга ант бирделәр һәм, Татарстанның 2 мең кызлары һәм малайлары кебек үк, юнатлар рәтенә керделәр. Яшь экологларга истәлекле бүләкләрне аларның өлкән остазлары – ТР Рус география җәмгыяте әгъзалары тапшырды.
Ә конкурста җиңүчеләрнең барысын да исемле дипломнар белән бүләкләделәр. Конкурс материаллары буенча җыентык чыгару планлаштырылган.