Экология министрлыгы инспекторлары экодәресләрдә «Мегаполиста экология ягыннан дөрес итеп ничек яшәргә» кирәклекне сөйләделәр
182 нче политехник лицейда һәм Казан шәһәренең «Сәламәт буын» лицеенда экологлар тагын бер тапкыр антропоген йөкләнеш темасына тукталдылар. Ни өчен тормышка «экологик караш» бик мөһим, һәм ул нәрсә аңлата? «Кулланучылар буыны» термины ничек барлыкка килгән һәм аңны экологизацияләү нәрсә ул? Бу хакта бер сәгать дәвамында Экология министрлыгының Үзәк территориаль идарәсе инспекторы Сафия Сафонова студентлар белән сөйләште.
Бүген инде күп кешеләр сәламәт яшәү рәвешен саклый. Бу табигый материалларны кулланып, экологик стильдә өй ясау, бу экологик кием һәм сатып алуга акыллы караш, һәм, әлбәттә, бу экологик гадәтләр, алар кечкенә вакытта формалашырга тиеш. «Минемчә, табигать белән гармониядә, үзебез белән гармониядә яшәү осталыгыбызны без балаларыбызга балалар бакчасыннан сеңдерергә тиешбез. Ә мәктәпләрдә экологиягә аерым игътибар бирергә кирәк, чөнки кешеләрнең сәламәтлеге сәламәт мохиткә бәйле. Әйләнә-тирә мохитне саклау үзебездән башланырга тиеш. Безнең һәрберебез, шәхси экологик культурасы турында кайгыртмыйча, экологик мәсьәләләрдә махсуслаштырылган предприятиеләргә, ведомстволарга һәм оешмаларга таянырга тиеш түгел. Тормыш рәвешеңне үзеңә үзгәртергә кирәк», - дип сөйләде мондый дәресләрнең максатлары турында Экология министрлыгы инспекторлары.
Казанның 117нче мәктәбендә экологлар тагын бер дәрес үткәрделәр. Монда дәрес уен формасында узды. «Кемнең эзе икәнне бел» экологик уены балаларга Татарстан урманнарында нинди хайваннар һәм кошлар яшәвен тизрәк истә калдырырга һәм күптән түгел генә кырда кем йөргәнен билгеләргә ярдәм итте. Һәр укучыга Экология министрлыгыннан файдалы эко киңәшләр язылган кесә дәфтәре бүләк ителде.