Экологлар Актүбә бистәсендә яшәүчеләрнең шикаятьләре буенча һава үрнәкләрен сайлап алдылар

2024 елның 31 гыйнвары, чәршәмбе

ТР Экология Министрлыгының Ык буе территориаль идарәсе адресына Азнакай районында яшәүчеләрдән шикаять килде. Җирле халык Актүбә бистәсендәге җирле фермадан килүче сасы истән зарланган. Һава торышын бәяләү өчен Ык буе территориаль идарәсенең күчмә экологик лабораториясе белән бергә экологлар урынга чыкканнар. Пробалар ПЭЛ урнаштырылган махсус җиһазлар ярдәмендә автомат режимда сайлап алынган. Сынаулар 2 ноктада сайлап алынган: Дуслык урамындагы Ипподром янында һәм Бөгелмә тракты урамындагы «Актүбә мегафермасы» янында. Анализ нәтиҗәләре буенча пычраткыч матдәләрнең рөхсәт ителгән чик концентрациясеннән артып китү очрагы ачыкланмаган.