Татарстан Экология һәм табигать ресурслары министрлыгында «ТАИФ-НК» АҖ вәкилләре белән очрашу узды
Бүген Татарстанның Экология министрлыгында экология министры Александр Шадриков «ТАИФ-НК» АҖ генераль директоры Максим Новиков белән очрашты. ВКС режимындагы эшлекле очрашуга «Ростелеком» ГАҖ вәкилләре дә кушылды.
Исегезгә төшерәбез, киң вәкиллекле йомгаклау утырышы кысаларында Экология министрлыгы «ТАИФ-НК» акционерлык җәмгыяте белән хезмәттәшлек турында килешү имзалады. Килешү атмосфера һавасының торышы турында мәгълүматны автомат контроль станцияләреннән үзара алмашуны күздә тота.
Очрашуда «ТАИФ-НК» АҖдә атмосфера һавасының торышын үлчәүнең автомат чараларын сатып алу һәм урнаштыру мәсьәләләре буенча фикер алыштылар.
Автомат үлчәү чаралары Түбән Кама сәнәгать узелының бердәм санитар-саклау зонасы чигендәге контроль нокталарда урнаштырылачак. Контроль нокталарны билгеләү атмосфера һавасының пычрануын җыелма исәпләүләр системасы нигезендә башкарылган.
Исегезгә төшерәбез, Экология министрлыгының мониторинг челтәрен Татарстанның иң эре предприятиеләренең 9 станциясе тулыландыра – бу «Нижнекамскнефтехим» ГАҖ, «Татнефть» ГАҖ, «Танеко» АҖ. Декабрьдә «Казаноргсинтез» ГАҖ станциясе эшли башлаган, ул предприятиеләрнең унынчы АСКЗА булачак һәм мәгълүматларны гомуми мониторинг системасына тапшырачак. «ТАИФ-НК» экологик посты – Министрлыкның мониторинг челтәрен тулыландыручы 11 атмосфера һавасын контрольдә тоту станциясе булачак.