Иртәгә, Экология көнендә, «Россия» күргәзмә-форумында Татарстанның Экология һәм табигать ресурслары министрлыгы активлык күрсәтә башлаячак
26 гыйнварда Мәскәүдә ВДНХда Россия Хөкүмәте Рәисе урынбасары Виктория Абрамченко катнашында Экология көне узачак. Көн дәвамында илнең иң яхшы эко-практикалары презентациясе узачак. Халыкара күргәзмәгә килүчеләрне бу көнне бай мәгариф һәм мәдәни программа көтә. Теләге булган һәркем экологик викториналарда катнаша, документаль фильмнарга йөри, аңлы куллану турында лекцияләр тыңлый алачак.
«Россия» халыкара күргәзмә-форумы кысаларында Татарстанның Экология һәм табигать ресурслары министрлыгының сынау проектлары күргәзмәсе узачак. Бу – «Ирекле агым» проекты һәм Идел-Кама балабан лачыннары популяциясен торгызу проекты. Шулай ук кунакларны Татарстанда «Экология» илкүләм проекты чараларын гамәлгә ашыру турында күргәзмәләр, мастер-класслар һәм лекцияләр кызыксындырачак.
Килүчеләрнең Татарстанның Экология һәм табигать ресурслары министрлыгы һәм иҗтимагый оешмалар вәкилләре белән аралашу һәм кызыксындырган сорауларга җавап алу мөмкинлеге булачак.