Экология министрлыгы инспекторлары профилактик визитның нәрсә икәне һәм аның ни өчен кирәк булуы турында искәртә
Экология министрлыгы инспекторлары искәртеп узганча, профилактик визитлар әңгәмә формасында үткәрелә, анда эшкуарга аның эшчәнлегенә карата мәҗбүри таләпләр аңлатыла. Мондый чаралар киләчәктә мәҗбүри таләпләрне бозуга китерә алган шартларны, сәбәпләрне һәм факторларны кисәтү һәм бетерү өчен кирәк. Визит эшчәнлек алып бару урыны буенча да, видеоконференцэлемтә формасында да үткәрелергә мөмкин. Барлык аңлатмалар да тәкъдим итү характерында. Узган ел Татарстанның Экология һәм табигать ресурслары министрлыгы инспекторлары 43 профилактик визит үткәргән. Мондый визитлар вакытында оешма җитәкчеләре консультация алырга мөмкин:
- оешма эшчәнлегенә куелган мәҗбүри таләпләр турында;
- куркыныч критерийларына туры килү турында;
- хәтәрлек категориясен киметүнең нигезләре һәм тәкъдим ителгән ысуллары турында;
- контроль (күзәтчелек) чараларының төрләре, эчтәлеге һәм интенсивлыгы турында.
Профилактик визитка гаризалар формасы Министрлык сайтында урнаштырылган:
- экологик юнәлеш буенча https://eco.tatarstan.ru/tipovie-narusheniya-i-razyasneniya-k-nim.htm.
- геологик юнәлеш буенча https://eco.tatarstan.ru/profilaktika-narusheniy-obyazatelnih-trebovaniy-5593089.htm.