ТР Экология министрлыгының Казандагы АСКЗА ел башыннан 1,1 млн артык үлчәү башкарган

2023 елның 15 декабре, җомга

8 декабрьдән 15 декабрьгә кадәр Казанда атмосфера һавасының пычрануын контрольдә тотучы автомат станцияләре тарафыннан атмосфера һавасында пычратучы матдәләрнең рөхсәт ителгән концентрациясеннән артып китү очраклары теркәлмәгән.

Шулай ук халык үтенече буенча күчмә экологик лабораториянең Казан шәһәренең төньяк зонасына чыгуы һәм матдәләрнең киңрәк исемлеге буенча анализлау өчен кул насосы ярдәмендә пробалар алуы да оештырылган.  Бу анализлар һәм рейдлар нәтиҗәләре буенча торак зонада артыклык теркәлмәгән.