Батарея җыю акциясенең беренче этабы тәмамланганчы бер атна гына вакыт калды
Бер атнадан соң Татарстан мәктәпләрендә һәм балалар бакчаларында эшкәртелгән ток чыганакларын җыю буенча акциянең көзге этабы тәмамланачак. Һәр районда батареяларны тапшырырга мөмкин булган төп нокталар билгеләнгән. Акциядә катнашырга теләүчеләргә күпме батарея җыелганын исәпләп чыгарырга, таблицалар тутырырга һәм Экология министрлыгының экологик белем бирү һәм иҗтимагый оешмалар белән хезмәттәшлек бүлегенә тапшырырга кирәк, почта адресы: Eco.pros@tatar.ru. Уку йортларыннан батареяларны чыгару төбәк операторлары тарафыннан оештырылачак.
Конкурс ике этапта үткәрелә. Җиңүчеләр ике этап нәтиҗәләре буенча билгеләнәчәк. Бүләкләү июнь аенда «Эковесна 2024» акциясенә йомгак ясау кысаларында узачак.
Тулы мәгълүмат әлеге сылтама буенча: https://eco.tatarstan.ru/aktsiya-po-sboru-otrabotannih-batareek-v.htm.