Экологлар Балык Бистәсе районында ике чүплек тапкан

2023 елның 13 ноябре, дүшәмбе

Балык Бистәсе районы территориясен тикшерү барышында ТР Экология министрлыгының Идел-Кама территориаль идарәсе инспекторлары ике чүплек тапкан. Берсе – Балык Бистәсе поселогындагы Тынычлык урамында, территориянең чүпләнү мәйданы 160 кв.м тәшкил итә.  Икенчесе – ташландык бакчачылык берләшмәләре районында, чүплекнең мәйданы – 400 кв. м.

Балык Бистәсе авыл җирлеге башкарма комитеты адресына табигатьне саклау законнарының мәҗбүри таләпләрен бозуның ярамавы һәм 60 көн эчендә чүплекне бетерү турында ике кисәтү җибәрелгән.