Татарстанлыларны иң зур квестта көтәләр. 11 ноябрьдә «Тат-Рус» проектының 26 интеллектуаль-спорт уены старт ала
«Тат-Рус» проектыннан шәһәрдә ориентирлашу буенча уен инде иртәгә үзенең 26 алтынчы стартын бирәчәк. Быел ул укытучыларга һәм остазларга багышланачак. «Тат-Рус» проекты – шәһәрдә ориентирлашу һәм туган якны өйрәнү уеннары. Уен формасында катнашучылар Казанның тарихы һәм истәлекле урыннары белән танышачак.
Уенда мәктәп укучылары, студентлар, ата-аналар, укытучылар, педагоглар катнаша ала. Командалар составы – 4 кешегә кадәр. Катнашучыларга иң күп контроль пунктларны алырга кирәк булачак. Моның өчен аларга контроль пункт легендасында тасвирланган урынга барып җитәргә, маршрут битендә теркәп куярга кирәк. Маршрут үткәннән соң җаваплар гугл-формага языла, җавапларны җибәрү вакыты команданың финиш вакыты дип санала.
Уен ике категория буенча үткәрелә:
Дәрвиш – иң популяр категория. Маршрут физик әзерлек таләп итми һәм аның төп идеясе – танып белү;
Көнгерә – 14 яшькә кадәрге балалар һәм аларның әти-әниләре өчен гаилә категориясе. Команда составы – 2-4 кеше, шуларның берсе 13 яшьтән өлкәнрәк булмаска тиеш, икенчесе 18 яшьтән кечерәк булмаска тиеш.
Һәр категориядә дә җәмәгать транспортын куллану тыела. Һәр катнашучыга катнашу турында сертификат һәм 26 нчы уенның истәлекле билгесе биреләчәк!
Уен Россия география җәмгыяте, Татарстан Экология һәм табигать ресурслары министрлыгы, "Урам" экстрим-паркы белән берлектә үткәрелә.
Күбрәк мәгълүмат һәм теркәлү әлеге сылтама буенча: https://forms.gle/BP8t4KwD9Rme4von8.