ТР Экология министрлыгы инспекторлары Чирмешән районында чүплек тапкан

2023 елның 9 ноябре, пәнҗешәмбе

Чирмешән районын мониторинглау барышында ТР Экология министрлыгының Көньяк-Көнчыгыш территориаль идарәсе экологлары Иске Кади авыл җирлегендә рөхсәтсез калдыклар җыю урынын ачыклаганнар. Чүпләнгән участокның мәйданы – 400 кв.м, күләме 200 куб.м тәшкил итә.

Чирмешән районы башкарма комитетына табигать саклау законнарын бозуның ярамавы һәм чүплекне бетерү турында кисәтү җибәрелгән.