Чаллыда «Экоузыш» кысаларында 250 капчык чүп-чар җыелган
«Яшел Россия» Бөтенроссия акциясе кысаларында Чаллыда быел соңгы экологик «Экоузыш» узган. Ярышларда шәһәрнең мәгариф учреждениеләре, иҗтимагый һәм коммерция оешмалары командалары катнашкан, барлыгы – 250дән артык кеше.
Активистлар чүп-чарны өч фракциягә бүлеп сортлаганнар: пыяла, пластик һәм башка калдыклар. Бер сәгать эчендә катнашучылар 250 капчыктан артык чүп җыя алган.
Кадет мәктәбе укучылары, КФУның инженерлык-икътисад көллияте һәм 23 нче Чаллы мәктәбе студентлары җиңүче булган. Барлык катнашучылар дипломнар һәм истәлекле призлар белән бүләкләнгән.
Оештыручылар – «Орион» яшьләр үзәгенең «Экоактивы» экологик берләшмәләре үзәге инициативасы буенча, «Беренчеләр хәрәкәте» Бөтенроссия иҗтимагый-дәүләт балалар һәм яшьләр хәрәкәтенең җирле бүлеге, ТР Экология һәм табигать ресурслары министрлыгының Кама яны территориаль идарәсе, Чаллы шәһәре Башкарма комитетының Яшьләр эшләре идарәсе, Чаллы шәһәре Башкарма комитетының Автозавод районы.