Бөтендөнья хайваннар көнендә Экология министрлыгы инспекторлары приютларга йөри, экодәресләр үткәрә һәм мәктәп укучыларына кече дусларыбыз турында сөйли
Бүген Бөтендөнья хайваннар көне билгеләп үтелә. Без бу вакыйгадан читтә кала алмадык, чөнки безнең инспекторлар ел саен мәктәп укучылары белән йортсыз хайваннар өчен приютларга йөри, балалар белән кече дусларыбыз турында сөйләшә һәм йорт хайваннары турында кайгыртуның мөһимлеге турында сөйлиләр. Бүген дә Кама яны территориаль идарәсе инспекторлары Актаныш районына юл тоттылар. Инспектор Ләйлә Галимова, жюри әгъзасы буларак, «Кыргый һәм өйорт хайваннары – барысы да шундый мөһим» республика балалар экофестиваленең башлангыч этабы кысаларында укучыларның эшләрен бәяләде. Балалар үзләренең йорт хайваннары турында сөйләделәр, үз күзәтүләре белән уртаклаштылар һәм, әлбәттә, дүрт аяклы дусларына булган мәхәббәтләрен белдерделәр. Безнең экологка Милена Шәйхетдинованың эше аеруча ошады. Кыз бер ел буе куян карый һәм бүген мәктәп укучысы үзенең йорт хайваннарын нәрсә белән тукландыра, нинди прививкалар ясатырга кирәклеге һәм ничек итеп йонлы һәм озын колаклы дустын арткы аякларына басарга өйрәтүе турында сөйләде. Ә сезнең йорт хайваннарыгыз бармы?