ТР Экология министрлыгы инспекторлары Буаның «АБВГДЕЙКа» балалар бакчасы балаларына калдыкларны ничек дөрес итеп сортларга кирәклеге турында сөйләгән
Бүген барлык мәктәпкәчә белем бирү хезмәткәрләре һөнәри бәйрәмнәрен билгеләп үтә. Безнең инспекторлар инде күптән үсеп килүче буынны тәрбияләү эшендә экологик ярдәмчеләр булдылар, менә инде күп еллар Министрлык мәктәпләрдә һәм балалар бакчаларында экологик дәресләр үткәрә. Бүген ТР Экология министрлыгының Идел аръягы территориаль идарәсе инспекторлары Буаның «АБВГДЕЙКа» балалар бакчасы балалары белән очрашкан. Бу юлы инспекторлар балаларга чүп-чарны дөрес тәртипкә китерүнең мөһимлеге турында сөйләгәннәр. Әңгәмә барышында мәктәпкәчә яшьтәге балалар чүплектә җыелган калдыкларның махсус заводларда эшкәртелүен белгәннәр. Шуңа күрә чүп-чарны аерым җыярга кирәк икән. Көнкүреш калдыкларын аерым җыю өчен махсус контейнерлар ясалган, алар пыяла, пластик, кәгазь, органик калдыклар һәм металл өчен контейнерларга бүленә. «Экологик культура дәрәҗәсенә планетабызның экологик торышы бәйле. Хәзер балалар чүп-чарны аерым җыю аның калдыкларын тизрәк эшкәртергә һәм кирәкле әйбергә әйләндерергә ярдәм итә икәнен беләләр», – дип сөйләде ТР Экология министрлыгының Идел аръягы территориаль идарәсе инспекторы Ләйсән Гыйматдинова.