Бөгелмә районында экологлар ике чүплек тапкан

2023 елның 12 сентябре, сишәмбе

Бөгелмә районында Бөгелмә елгасы ярының пычрануы турындагы мәгълүмат буенча ТР Экология министрлыгының Көньяк-Көнчыгыш территориаль идарәсе инспекторлары урынга чыктылар. Территорияне тикшерү барышында ике чүплек ачыкланган. Берсендә, 150 кв. м мәйданда – төзелеш һәм көнкүреш калдыклары, икенчесендә 75 кв. м мәйданда автомобиль шиннары саклана.

Бөгелмә районы башкарма комитетына табигатьне саклау законнарын бозуның ярамаганлыгы һәм чүплекне 60 көн эчендә бетерү турында кисәтү җибәрелгән.