«Чиста уеннар»га теркәлергә өлгер! Бу көзнең Үзәк өмәсе турында белми калма!
16 сентябрьдә һәркемне дә Юдино поселогының Зөбәрҗәт күлендә «Яшел Россия» Бөтенроссия экологик өмәсендә көтеп калабыз. Җыештыру «чиста уеннар» форматында узачак, анда катнашучылар чын квест-уенда көрәшәчәк: командаларга тизлек өчен чүп җыярга, аны фракцияләргә бүләргә кирәк булачак. Җыелган һәр капчык өчен командаларга махсус кушымтада баллар бирелә. Иң күп балл җыйган командалар кыйммәтле бүләкләр алачак.
Уенда катнашу өчен 4 кешелек командага берләшергә һәм 14 сентябрьдә 12:00 сәгатькә кадәр https://clc.ink/5096c0IJA сылтамасы буенча теркәлергә кирәк. Тулырак мәгълүмат алу өчен команда капитаннарына теркәлү формасында күрсәтелгән телеграм-каналга кушылырга кирәк.
Концерт программасы һәм җылы кыр кухнясы яхшы кәефне гарантияли. Акциядә катнашу өчен инвентарь урында биреләчәк.
Экоакция 11:00 сәгатьтә башлана, мәйданчыкта теркәлү – 10:00 сәгатьтән 11:00 сәгатькә кадәр.
Катнашучылар өчен трансфер да оештырылачак. Трансферга сылтама буенча индивидуаль теркәлү үтәргә кирәк: https://clck.ru/35bRQt.
Өмә «Экология» илкүләм проектының «Уникаль су объектларын саклау» федераль проектының «Россия суы» бөтенроссия акциясе кысаларында узачак. Оештыручылар – ТР Экология министрлыгы, «Чиста булачак» ТР яшьләр экохәрәкәте, Рус география җәмгыятенең ТР бүлекчәсе.