Чүп-чарны сортлыйбыз – табигатьне саклыйбыз. Экологлар Чаллыдагы мәктәпкәчә яшьтәге балаларга калдыкларны сортлау һәм эшкәртү турында сөйләделәр
Чаллы шәһәренең 60 нчы «Иволга» балалар бакчасында тәрбияләнүчеләр өчен интерактив дәресне ТР Экология министрлыгының Кама буе территориаль идарәсе хезмәткәрләре һәм «Гринта» ҖЧҖ вәкилләре үткәрде. Белгечләр балаларга чүп-чар һәм чүплекләрнең әйләнә-тирә мохиткә нинди зыян китерүе турында сөйләделәр, ә чүп-чарның экологик проблемасын хәл итү өчен аны чишү юлларын тәкъдим иттеләр. Алган белемнәрен ныгыту өчен, балалар «Нәрсә артык» һәм «Дөрес бүлегез» дигән мавыктыргыч уеннар уйнадылар.
Дәрес истәлегенә мәктәпкәчә яшьтәге балаларга «Гринта» төбәк операторының буяу-әлифбасын бүләк иттеләр.
Экологлар әйтүенчә, экологик проблемаларны үсеп килүче буынны дөрес тәрбияләмичә хәл итүе мөмкин түгел, чөнки нәкъ менә балалар табигать турында белемнәрне иң актив үзләштерә.