«Татарстан Республикасының иң яхшы дәүләт граждан хезмәткәре-2023» VIII республика конкурсы старт алды
«Татарстан Республикасының иң яхшы дәүләт граждан хезмәткәре» VIII республика конкурсында катнашу өчен гариза җибәрергә бер генә ай вакыт калып бара. Проектта катнашу – үзеңне таныту өчен бик яхшы мөмкинлек. Шулай итеп, конкурс уздырылган сигез ел эчендә анда 350дән артык хезмәткәр катнашкан, ә 82се – җиңүче булган. Катнашу өчен гаризалар 2023 елның 18 августына кадәр кабул ителә.
Конкурсантларның түбәндәге мөмкинлекләре булачак:
- һөнәри һәм шәхси сыйфатларын күрсәтү;
- ТР дәүләт хезмәтенең иң яхшы белгечләре белән танышу;
- булган идеяләрне Татарстан Республикасы җитәкчелегенә тәкъдим итү
Гаризаны түбәндәге номинацияләр буенча бирергә мөмкин:
- законлылык, халык һәм территорияләр иминлеген тәэмин итү өлкәсендә идарә итү;
- икътисадның реаль секторы белән идарә итү;
- социаль өлкә белән идарә итү;
- дәүләт органнары эшчәнлеген хокукый һәм кадрлар белән тәэмин итү;
- дәүләт органнары эшчәнлеген оештыру, мәгълүмати, документация, финанс-икътисадый, хуҗалык һәм башкача тәэмин итү;
- дәүләт граждан хезмәтендә ТР дәүләт телләре буларак рус һәм татар телләрен нәтиҗәле куллану
Йомгак ясау Татарстан Республикасы Конституциясе көнен бәйрәм итүгә туры китереләчәк. 6 ноябрьдә конкурс лауреатлары тантаналы шартларда дипломнар һәм призлар белән бүләкләнәчәк.
Конкурсны уздыру тәртибе һәм вакыты турында тулырак мәгълүматны сез сылтама буенча белә аласыз https://gossluzhba.tatarstan.ru/informatsiya-o-provedenii-konkursa-v-2023-godu.htm