Экологлар «Чулпан» лагере балаларына планетага ничек ярдәм итүнең 5 гади ысулы турында сөйләгән

2023 елның 20 июле, пәнҗешәмбе

ТР Экология һәм табигать ресурслары министрлыгының Төньяк территориаль идарәсе белгечләре Әтнә районының «Чулпан» савыктыру лагеренда танышу эко-әңгәмәсен үткәргән. Хәзер анда 54 кеше ял итә. Экологлар балаларга планетаның һәр кешесе әйләнә-тирә мохитне саклауга нинди өлеш кертә алачагы турында сөйләгәннәр.

Менә әйләнә-тирә мохитне саклау өчен 5 гади һәм кызыклы киңәш:

- чүп-чарны сортлау;

- агачлар утырту;

- энергия саклаучы приборларны куллану;

- чүп-чарны киметеп, кирәкмәгән әйберләрне тарату;

- табигатьтә ял иткәннән соң үз артыңнан җыештырып калдыру.

Шулай ук мәктәп укучылары өчен экологик викторина үткәрелгән, анда балалар үзләрен табигатьнең чын белгечләре итеп күрсәткәннәр: табышмаклар, ребуслар һәм кроссвордлар чишкәннәр.