ТР Экология министрлыгы инспекторлары Чирмешән районында 5 чүплекне ачыклаган

2023 елның 18 июле, сишәмбе

Чирмешән районын мониторинглау барышында ТР Экология министрлыгының Көньяк-Көнчыгыш территориаль идарәсе инспекторы 5 рөхсәтсез калдыклар урнаштыру урынын ачыклаган. Ивашкино авылында чүплекнең мәйданы – 200 кв.м, күләме – 200 куб.м, Аккирәй авылында ике чүплекнең гомуми мәйданы – 38 кв.м, күләме 19 куб.м тәшкил итә. Чирмешән авылында ачыкланган чүплекләрнең гомуми мәйданы – 50 кв.м, чүплекләрнең күләме 15 куб.м тәшкил итә.

Чирмешән районы башкарма комитетына табигатьне саклау законнарын бозуның ярамаганлыгы һәм чүплекләрне 60 көн эчендә бетерү турында кисәтү җибәрелгән.