Экология Министрлыгының Ык буе территориаль идарәсе хезмәткәрләре «Россия суы» акциясендә катнаштылар
Менә инде бишенче тапкыр тулы состав белән Ык буе территориаль идарә инспекторлары сулык ярларын чүп-чардан чистартырга чыгалар. Бүген – Азнакай шәһәрендә Кара елга. Экологлар ярның 2 километрын чүп-чардан чистарттылар, 15 капчык чүп-чар җыелды: «Ел саен без ярларыбызны кыш дәвамында тупланган чүп-чардан чистартабыз. Бу акциядә үзебез дә катнашып һәм халкыбызны катнашырга чакырып, без матур елгаларыбызга һәм күлләребезгә сак караш культурасын формалаштырабыз», - дип уртаклаша Ык буе территориаль идарәсе инспекторлары.
Исегезгә төшерәбез, ТР Экология министрлыгы 2019 елдан бирле «Россия суы» бөтенроссия акциясендә катнаша. Ярларны чүп-чардан чистарту буенча акция «Экология» илкүләм проекты («Уникаль су объектларын саклау» федераль проекты) кысаларында үткәрелә. 2021 ел нәтиҗәләре буенча Татарстан Республикасы Россия төбәкләре арасында 1 урынны алды. 2022 елда кабат җиңүче статусын раслады.