Экологлар Буа халкының шикаятьләре буенча һава үрнәкләрен сайлап алдылар
ТР Экология һәм табигать ресурслары министрлыгының Идел аръягы территориаль идарәсе адресына җирле халыктан Буа шәһәрендә начар ис турында шикаять килде. Һаваның торышын бәяләү өчен күчмә экологик лаборатория экологлар һәм җирле массакүләм мәгълүмат чаралары вәкилләре белән урынга чыкты. Пробалар 5 ноктада сайлап алынды: С.Садыйков, Гагарин, Жорес, Вахитов һәм Тимер юл урамнарында. Пычраткыч матдәләрнең рөхсәт ителгән чик концентрациясеннән артып китүе үрнәкләрне анализлау нәтиҗәләре буенча ачыкланмаган.
Исегезгә төшерәбез, табигатьне саклау законнарын бозуның барлык фактлары турында түбәндәге элемтә каналлары аша хәбәр итәргә мөмкин:
- (843)267-68-67 телефоны буенча;
- электрон почта аша eco.signal@tatar.ru;
- интернет кабул итү бүлмәсендә http://eco.tatarstan.ru/rus/priem.htm;
- «Халык контроле» системасында «Экология» категориясе;
- «Мәктәп экопатруле» мобиль кушымтасы буенча