Шәһәрдә ориентирлашу һәм туган якны өйрәнү буенча маҗаралы «Tat-Rus» спорт-интеллектуаль уенда катнашыгыз
Шәһәр ориентирлашуы һәм туган якны өйрәнү буенча 25 еллык юбилейный «Tat-Rus» спорт-интеллектуаль уены 22 апрельдә узачак. Бу юлы ул Казанның сәнгать кыйммәтләренә багышлана.
Уенда теләгән һәркем, шул исәптән мәктәп укучылары, студентлар, ата-аналар, укытучылар һәм өстәмә белем бирү педагоглары бушлай катнаша ала. Катнашу өчен 2-4 кешедән торган команда җыярга һәм сылтама буенча теркәлергә кирәк: https://forms.gle/JZHRFUp7u6e5VTrJ9
Уен кагыйдәләре:
Команданың бурычы-иң күп контроль пунктларга (КП) бару. КПга бару өчен маршрут битендә тасвирланган төгәл урынга барып җитәргә һәм стартта бирелгән контроль пунктлар битендәге ноктаның тасвирламасын тутырырга кирәк. Бөтен маршрутны узганнан соң җаваплар Google формасына кертелергә тиеш, һәм алар җибәрелгән вакыт команданың финиш вакыты булып тора.
Маҗаралы спорт-интеллектуаль уенны оештыручы булып Татарстан Экология һәм табигать ресурслары министрлыгы ярдәме белән Татарстан Республикасында Рус география җәмгыяте төбәк бүлеге чыгыш ясый. Чара экологик тәрбияне, кешенең әйләнә-тирә мохиткә сакчыл мөнәсәбәтен үстерүгә юнәлдерелгән «Экология» илкүләм проектының максатларына ирешүгә ярдәм итә.