«Әйдәгез, планетаны бергә саклыйк!» конкурсында катнашыгыз
Лаеш районының Никольское мәктәбе «Әйдәгез, планетаны бергә саклыйк!» экология буенча агитбригадалар республика конкурсында катнашырга чакыра. Конкурс Халыкара җир көненә багышланган һәм Татарстан Республикасы Экология һәм табигать ресурслары министрлыгы ярдәме белән оештырылган.
Конкурста Татарстанның иҗат коллективлары катнаша ала (команда 9 яшьтән 15 яшькә кадәрге 8 кешедән торырга тиеш). Командаларга экологик тематикага кыска (10 минуттан артык түгел) чыгыш әзерләргә кирәк.
«Әйдәгез планетаны бергә саклыйк!» конкурсы 20 апрельдә 10:00 сәгатьтә Лаеш районы, Никольское авылы, Үзәк урам, 43 нче йорт (Никольский авыл мәдәният йорты) адресы буенча узачак.
Гаризалар 17 апрельгә кадәр электрон почтага кабул ителә: nikolskschool@mail.ru
Тулырак мәгълүматны телефон номеры буенча белергә мөмкин: 8(843)784-31-37, 89520326768 (Сәлимуллина Елена Анатольевна).