Россиядә икенчел чималны сатып алу-сату өчен бушлай электрон сервис эшли
«Снова в дело» - икенчел чимал сатып алу һәм сату өчен беренче бөтенроссия онлайн мәйданчыгы һәм сату өчен икенчел чимал булган барлык компанияләрне һәм икенчел чималны сатып алырга һәм кабул итәргә әзер булган барлык компанияләрне берләштерә. Бу аукцион форматында эшләүче беренче шундый мәйданчык.
Билгеле бер төр калдыкларны зур күләмдә тупланган компания калдыкларны утилизаторга – эшкәртү белән шөгыльләнүче, лицензиясе булган башка компаниягә сата ала. Татарстан Экология һәм табигать ресурслары министрлыгының «Снова в дело» электрон сервисын эшләүчеләр белән озак вакытлы нәтиҗәле хезмәттәшлек тәҗрибәсе бар.
Мәйданчыкның эше белән сылтама буенча танышырга мөмкин: https://snovavdelo.ru/about
Мәйданчык Россия Федерациясенең бөтен территориясендә эшли, бу бер-берсеннән территориаль яктан ерак компанияләрнең хезмәттәшлеге өчен мөмкинлекләр ача, алар бер-берсенә файдалы һәм кызыклы булырга мөмкин. Үз эшчәнлегенең бер елында «Снова в дело» мәйданчыгы Россиянең барлык төбәкләрен колачлый: Владивостоктан Мурманскига кадәр. Бүгенге көнгә 636 игълан модерацияне уңышлы үтте.