Климат куркынычсызлыгы фонды «Климатны балалар күзлегеннән үзгәртү - 2023» балалар экофорумында катнашырга чакыра
Климат куркынычсызлыгы фондыннан «Климатны балалар күзлегеннән үзгәртү - 2023» II Халыкара форумы башланды. Форумның максаты - экологик белем бирүне һәм мәдәниятне үстерү, балаларның һәм яшүсмерләрнең иҗади һәм волонтёр эшчәнлегендә катнашуын бүләкләү.
Форумда 3 яшьтән 17 яшькә кадәрге балалар катнаша ала. Катнашучыларның иҗат һәм креатив ярдәмендә әйләнә-тирә мохитне саклау буенча үз идеяләре белән уртаклашу мөмкинлеге бар. Шәхси эшләрне a.krel@climatesecurity.org электрон почтасына 2023 елның 15 сентябренә кадәр җибәрергә мөмкин.
Конкурс 6 номинация буенча уза:
-«Экокуркынычсызлык» - климат үзгәрешләрен кисәтү яки җайлаштыру буенча проект һәм фәнни-тикшеренү эшләре конкурсы.
-«Климатны балалар күзлегеннән үзгәртү» - климат үзгәрү проблемасына, аның табигать һәм кешеләр өчен нәтиҗәләренә, шулай ук аларга җайлашу ысулларына багышланган конкурс.
- «Экоблогер» - һәркем өчен куркыныч тудыручы экологик проблемалар турында репортажлар конкурсы.
- «ЭкоМода» — икенче чимал һәм калдыклардан кием модельләренең коллекцияләре конкурсы.
- «ЭкоЮннатлар» – эко-волонтерлыкның иң яхшы практикасы конкурсы.
- «Экокул эшләнмәләре» – икенчел чимал һәм калдыклардан арт-объектлар конкурсы.
«Климатны балалар күзлегеннән үзгәртү - 2023» II Халыкара балалар экология форумында җиңүчеләрне һәм катнашучыларны дипломнар һәм истәлекле бүләкләр белән бүләкләячәкләр. Бүләкләр тапшыру тантанасы Мәскәү шәһәрендә 18 ноябрьдә узачак.
Форумны уздыру регламенты белән җентекләбрәк https://clck.ru/33Y95w сайтында танышырга була.