Рөстәм Миңнеханов: Безнең бурыч – сәнәгать үсеше һәм яшәү өчен уңайлы мохитне саклау арасында баланс булдыру
«Әйләнә – тирә мохитне саклау һәм табигый ресурслардан рациональ файдалану-безнең республика өчен өстенлекле бурычлар. Нәкъ менә аларның хәл ителешенә киләчәктә шәһәрләребезнең һәм тулаем илебезнең тотрыклы үсеше бәйле булачак»,- бүген бу хакта Татарстан Республикасы Рәисе Рөстәм Миңнеханов Табигатьтән файдалану өлкәсендә күзәтчелек буенча Идел-Чулман төбәкара идарәсе коллегиясенең йомгаклау утырышында хәбәр итте.
Киңәшмә ведомствоның 2022 елдагы эш нәтиҗәләренә һәм 2023 елга бурычларына багышланган иде. Чарада Табигатьтән файдалану өлкәсендә күзәтчелек буенча федераль хезмәт (Росприроднадзор) җитәкчесе Светлана Радионова, шулай ук Татарстан Республикасы экология министрының беренче урынбасары Айрат Шиһапов катнашты.
«Әйләнә-тирә мохитне саклау - ул шул исәптән гражданнарыбызның тормыш сыйфаты да. Бүген биредә әйтелгәннәрнең барысын да дөрес кабул итәргә кирәк. Без чыннан да техноген республика, һәм шуңа күрә безгә әйләнә-тирә мохитне саклауга һәм табигать ресурсларыннан нәтиҗәле файдалануга аеруча игътибар бирергә кирәк», - диде Рөстәм Миңнеханов.
Узган ел Татарстанда 35,7 млн. тонна нефть чыгарылган, сәнәгать продукциясе күләме 6,6%ка арткан, бу күрсәткеч буенча Татарстан илдә дүртенче урында һәм тулаем төбәк продукты күләме буенча субъектлар арасында алтынчы урында (2020 ел йомгаклары буенча 3,8 трлн. сум).
«Безнең бурыч - сәнәгать үсеше һәм кешеләр яшәү өчен уңайлы мохитне саклап калу арасындагы балансны тәэмин итү. Республикада «Экология» илкүләм проекты гамәлгә ашырыла, аны үтәүгә былтыр 6,8 млрд сум бүлеп бирелгән».
Атмосфера һавасының пычрану дәрәҗәсен киметү өчен Татарстанда газ-мотор ягулыгы базарын үстерү буенча актив эш алып барыла. Ун ел эчендә газ-мотор техникасы паркы 14 тапкырга арткан һәм 13 мең берәмлектән арткан. Төбәктә электр зарядкасы инфраструктурасын булдыру проекты гамәлгә ашырыла.
Рәис билгеләп үткәнчә, бүген хәл ителергә тиешле мәсьәләләр бар. Бу халыкны сыйфатлы эчәргә яраклы су белән тәэмин итү, сәнәгать һәм каты көнкүреш калдыкларын утильләштерү, элек пычранган җирләрне рекультивацияләү кебек проблемалар. 8 ел эчендә федераль ярдәм нәтиҗәсендә республикада алты туплау объекты юк ителде. 2023 елда Казанда Самосырово полигонын рекультивацияләү тәмамлана.
Шулай ук республикада дәүләт реестрына кертелгән туплау объектлары да бар. Аларның икесе буенча тулы документлар пакеты әзерләнгән. Әлеге объектларны төзекләндерү 11 меңнән артык кешенең яшәү сыйфатын яхшыртырга һәм гомуми мәйданы 2 гектардан артык булган җирләрне торгызырга мөмкинлек бирәчәк.
Инвентаризацияләү нәтиҗәләре буенча республикада 21 тискәре йогынты объекты ачыкланды, дүртесе тикшерү узды һәм узган ел Росприроднадзорның бәясен алды. Кайбер объектлар быел «Экология» илкүләм проектын «Генераль җыештыру» федераль проектына кертү мөмкинлекләре предметына тикшереләчәк һәм бәяләнәчәк. Тулаем Рөстәм Миңнеханов Росприроднадзор җитәкчесе Светлана Радионовага һәм аның бөтен командасына, шулай ук республика һәм Идел-Кама идарәсенең экологик контроль һәм күзәтчелек органнары хезмәткәрләренә нәтиҗәле уртак эшләре өчен рәхмәт белдерде.