Экологлар мониторинг барышында Азнакай районында 6 кар өемен ачыклаган

2023 елның 1 феврале, чәршәмбе

ТР Экология һәм табигать ресурслары министрлыгының Ык буе территориаль идарәсе инспекторлары Азнакай шәһәре урамнарыннан җыелган карны тиеш булмаган 6 урынга урнаштыруны ачыклаганнар. Хокук бозулар Радужная, Нефтьчеләр һәм Тукай урамнарында теркәлде. Кар өемнәренең гомуми мәйданы 350 кв.м тәшкил иткән, күләме - 200 куб м.

«Жилсервис» ИК» ҖЧҖ адресына табигатьне саклау законнарының мәҗбүри таләпләрен бозу ярамау һәм хокук бозуларны бетерү кирәклеге турында кисәтү җибәрелгән.